ӨСКЕМЕН. ҚазАқпарат – Өскемен қаласындағы азық-түлік павильоны отқа оранған, деп хабарлайды ҚазАқпарат.
Қалалық Төтенше жағдайлар басқармасы баспасөз қызметінің мәліметіне сүйенсек, оқиға 30 наурыз күні Ватутина көшесінде болған.
«Сағат 14:30 шамасында жаңадан салынып жатқан азық-түлік павильонының шатырын қызыл жалын шарпыды. Тілсіз жау жалмаған жердің жалпы аумағы 15 шаршы метрді құраған. Өрттің шығу себебі жұмыс кезінде өрт қауіпсіздігі ережелерін сақтамаудан болуы мүмкін», - деп хабарлады ведомство өкілдері.
Талғатжан Мұхаметбекұлы
Өскемендегі С.Аманжолов атындағы ШҚУ-ды "Журналистика" мамандығы бойынша тәмамдаған. Еңбек жолын 2015 жылы ШҚО "Алдаспан" газетінде тілші болып бастады. ШҚО "Менің өлкем" газетінде тілші, республикалық "Жас қазақ", "Заң" газеттерінде Шығыс Қазақстан облысы бойынша меншікті тілші, ШҚО "Менің өлкем" газетінің бас редакторы қызметтерін атқарған. Kazinform агенттігінде 2021 жылдан бері жұмыс істеп келеді.