ӨСКЕМЕН. ҚазАқпарат – Өскемен қаласында полицейлер балалар ауылынан рұқсатсыз кетіп қалған екі жеткіншекті тапты, деп хабарлайды ҚазАқпарат.
Қалалық Полиция басқармасы баспасөз қызметінің мәліметіне сүйенсек, бүгін таңғы сағат 04.30-да балалар ауылынан қашып кеткен 12 жастағы ұл мен қызға іздеу жарияланған.
«Жедел-іздестіру шараларын жүргізген тәртіп сақшылары оларды қаладағы сауда орталықтарының бірінде серуендеп жүрген жерінен тауып алды. Қазірде екеуі балалар ауылына қайтарылған. Мұғалімдер мен психологтар жеткіншектермен әңгімелесуде», - деп хабарлады ведомство өкілдері.
Естеріңізге сала кетсек, 11 наурыз күні аталмыш балалар ауылынан қашып шыққан екі бозбала қала шетінен табылған болатын.
Талғатжан Мұхаметбекұлы
Өскемендегі С.Аманжолов атындағы ШҚУ-ды "Журналистика" мамандығы бойынша тәмамдаған. Еңбек жолын 2015 жылы ШҚО "Алдаспан" газетінде тілші болып бастады. ШҚО "Менің өлкем" газетінде тілші, республикалық "Жас қазақ", "Заң" газеттерінде Шығыс Қазақстан облысы бойынша меншікті тілші, ШҚО "Менің өлкем" газетінің бас редакторы қызметтерін атқарған. Kazinform агенттігінде 2021 жылдан бері жұмыс істеп келеді.