ӨСКЕМЕН. ҚазАқпарат – Өскемен қаласындағы «Сергек» камералары жыл басынан бері 11 мыңнан астам бұзушылықты тіркеді, деп хабарлайды ҚазАқпарат тілшісі.
Қалалық полиция басқармасы баспасөз қызметінің мәліметіне сүйенсек, «Сергек» аппараттық-бағдарламалық кешенінің камералары Өскеменде 2019 жылдан бері жұмыс істеп келеді.
Қазіргі уақытта шаһар бойынша 4 мыңға жуық камера орнатылған.
Осы жылы тағы 1400-ге жуық камера қойылмақ.
«Жыл басынан бері жүйеде жалпы сомасы 95 504 540 теңгені құрайтын 11 191 бұзушылық тіркелді. Ал 2021 жылы 1 млрд 200 млн теңгеге жуық 119 634 бұзушылық анықталған. Өндірілген айыппұл мөлшері – 867 867 719 теңгені құрап отыр», - делінген ақпаратта.
Талғатжан Мұхаметбекұлы
Өскемендегі С.Аманжолов атындағы ШҚУ-ды "Журналистика" мамандығы бойынша тәмамдаған. Еңбек жолын 2015 жылы ШҚО "Алдаспан" газетінде тілші болып бастады. ШҚО "Менің өлкем" газетінде тілші, республикалық "Жас қазақ", "Заң" газеттерінде Шығыс Қазақстан облысы бойынша меншікті тілші, ШҚО "Менің өлкем" газетінің бас редакторы қызметтерін атқарған. Kazinform агенттігінде 2021 жылдан бері жұмыс істеп келеді.