ӨСКЕМЕН. ҚазАқпарат - Өскемен қаласындағы денсаулық сақтау мекемелерінің бірінен өрт шықты, деп хабарлайды ҚазАқпарат тілшісі.
ШҚО Төтенше жағдайлар департаменті баспасөз қызметінің мәліметіне сүйенсек, өрт Карл Либкнехт көшесінде орналасқан Репродуктивті медицина орталығынан шыққан. Құтқарушылар бірден оқиға орнына аттанған.
«Өрттің жалпы ауданы 250 шаршы метрді құрады. Тілсіз жау сағат 17.55-те толықтай сөндірілді», - деп хабарлады ведомство өкілдері.
Айта кетейік, құтқарушылар мекемеден бес адамды эвакуациялаған. Жалынды ауыздықтауға 37 адам мен 12 техника жұмылдырылды.
Талғатжан Мұхаметбекұлы
Өскемендегі С.Аманжолов атындағы ШҚУ-ды "Журналистика" мамандығы бойынша тәмамдаған. Еңбек жолын 2015 жылы ШҚО "Алдаспан" газетінде тілші болып бастады. ШҚО "Менің өлкем" газетінде тілші, республикалық "Жас қазақ", "Заң" газеттерінде Шығыс Қазақстан облысы бойынша меншікті тілші, ШҚО "Менің өлкем" газетінің бас редакторы қызметтерін атқарған. Kazinform агенттігінде 2021 жылдан бері жұмыс істеп келеді.