ӨСКЕМЕН. KAZINFORM – ШҚО Полиция департаменті баспасөз қызметінің мәліметіне сүйенсек, оқыс оқиға 12 маусым күні кешкі уақытта Жібек маталар комбинаты ықшам ауданында болған. Марқұм жолды рұқсат етілмеген жерден кесіп өткен.
«Есенберлин даңғылында Lada Priora маркалы автокөлік жүргізушісі жаяу жүргіншіні қағып кетті. Ауыр жарақат алған әйел шұғыл түрде медициналық мекемеге жеткізілді», - делінген ақпаратта.
Ол бірнеше сағаттан кейін ауруханада көз жұмған. Қазіргі уақытта полиция қызметкерлері жол-көлік оқиғасына қатысты сотқа дейінгі тергеу амалдарын жүргізіп жатыр.
Еске салсақ, бұған дейін Өскеменде рөлге ие бола алмай қалған көлік жүргізушісі ағашқа соғылып, сол жерде көз жұмғаны хабарланған.
Талғатжан Мұхаметбекұлы
Өскемендегі С.Аманжолов атындағы ШҚУ-ды "Журналистика" мамандығы бойынша тәмамдаған. Еңбек жолын 2015 жылы ШҚО "Алдаспан" газетінде тілші болып бастады. ШҚО "Менің өлкем" газетінде тілші, республикалық "Жас қазақ", "Заң" газеттерінде Шығыс Қазақстан облысы бойынша меншікті тілші, ШҚО "Менің өлкем" газетінің бас редакторы қызметтерін атқарған. Kazinform агенттігінде 2021 жылдан бері жұмыс істеп келеді.