Өскеменде көшені балгерлер мен қайыр сұраушылардан тазарту шарасы басталды
15:39, 18 Мамыр 2015
ӨСКЕМЕН. ҚазАқпарат - Полиция көшеде адамдардың мазасын алып, түрлі қызметтер ұсынатын балгерлер, қайыр сұраушылардың жолын кесуде. «Қауіпсіз қала» жедел алдын алу шарасының бірінші күнінің өзінде қоғамдық орындарда халықтың мазасын алған 199 қайыр сұраушы, 6 балгер және 9 жеке жүк тасушы ұсталды.
Барлық факті бойынша әкімшілік құқық бұзушылық хаттамасы толтырылып, әрқайсысына 5 АЕК көлемінде айыппұл салынды.
Өскеменде, мысалы, ірі дүкендердің бірінің иесі «102» нөміріне хабарласып, клиенттерді дүкен маңын торуылдап жүрген қайыр сұраушылардан қорғау үшін шағым түсірген.
Қаладағы «Заречный» базарына кіре берісте бал ашып отырғандар мен қызметтерін ұсынған жеке көліктер көбейіп кеткен. 21 мамырға дейін созылатын «Қауіпсіз қала» шарасына 1200 полиция қызметкері тартылған.