ӨСКЕМЕН. ҚазАқпарат – Өскемен қаласында мас күйінде көлік тізгіндеген ер адам тәртіп сақшысына бағынбай, күш көрсеткен, деп хабарлайды ҚазАқпарат.
ШҚО Полиция департаменті баспасөз қызметінің мәліметіне сүйенсек, оқиға 14 ақпанда түн кезінде болған.
«Полицейлер «Toyota Camry» маркалы автокөлікті тоқтатқан. Анықталғандай, ішімдік ішіп, рульге отырған 30 жастағы қала тұрғыны осыған дейін көлік құралын басқару құқығынан айырылған. Ұсталған кезде ол полиция қызметкеріне былапыт сөздер айтып, күш көрсетуден тайынбады», - деп хабарлады ведомство өкілдері.
Тәртіп сақшылары ер адамды уақытша ұстау изоляторына қамап тастаған. Қазіргі уақытта тергеу амалдары жүргізілуде.
Талғатжан Мұхаметбекұлы
Өскемендегі С.Аманжолов атындағы ШҚУ-ды "Журналистика" мамандығы бойынша тәмамдаған. Еңбек жолын 2015 жылы ШҚО "Алдаспан" газетінде тілші болып бастады. ШҚО "Менің өлкем" газетінде тілші, республикалық "Жас қазақ", "Заң" газеттерінде Шығыс Қазақстан облысы бойынша меншікті тілші, ШҚО "Менің өлкем" газетінің бас редакторы қызметтерін атқарған. Kazinform агенттігінде 2021 жылдан бері жұмыс істеп келеді.