ӨСКЕМЕН. ҚазАқпарат – Өскемен қаласында монша өртеніп, бір адам қаза болды, деп хабарлайды ҚазАқпарат.
Қалалық Төтенше жағдайлар басқармасы баспасөз қызметінің хабарлауынша, 16 ақпан күні сағат 17.00 шамасында Кожедуба көшесіндегі жеке тұрғын үйдің моншасында өрт шыққан.
«Қызыл жалынды ауыздықтауға төрт техника жұмылдырылды. Жалын шарпыған аумақ 18 шаршы метрді құраған. Өрт сөндірушілер монша ішінен 1976 жылғы ер адамның мәйітін тапты. Ал сыртқа шығып үлгерген 1981 жылғы әйелдің беті күйіп қалған. Ол бірден облыстық мамандандырылған медициналық орталыққа жеткізілді», - делінген ведомство мәліметінде.
Талғатжан Мұхаметбекұлы
Өскемендегі С.Аманжолов атындағы ШҚУ-ды "Журналистика" мамандығы бойынша тәмамдаған. Еңбек жолын 2015 жылы ШҚО "Алдаспан" газетінде тілші болып бастады. ШҚО "Менің өлкем" газетінде тілші, республикалық "Жас қазақ", "Заң" газеттерінде Шығыс Қазақстан облысы бойынша меншікті тілші, ШҚО "Менің өлкем" газетінің бас редакторы қызметтерін атқарған. Kazinform агенттігінде 2021 жылдан бері жұмыс істеп келеді.