Өскеменде пеш мұржасының уақтылы тазаланбауынан екі жасөспірімге иіс тиді
ӨСКЕМЕН. KAZINFORM – Өскемен қаласында пеш мұржасының уақытылы тазаланбауы салдарынан иіс тиген екі жасөспірім ауруханаға түсті.
Фото: ШҚО ТЖД баспасөз қызметі
ШҚО Төтенше жағдайлар департаменті баспасөз қызметінің мәліметіне сүйенсек, оқиға 1 сәуірде Өскемендегі Шығыс кентінде болған.
Фото: ШҚО ТЖД баспасөз қызметі
«Жеке тұрғын үйде қатты отынмен жылытылатын пешті пайдалану ережелерінің бұзылуынан, нақты айтқанда, мұржаның уақытылы тазаланбауынан 16 және 15 жастағы екі жасөспірімге иіс тиді. Олар шұғыл түрде ауруханаға жеткізілді. Қазіргі уақытта олар дәрігерлердің бақылауында», - деп хабарлады ведомство өкілдері.
Осы ретте, құтқарушылар тұрғындардан пешті пайдалану кезінде өрт қауіпсіздігі ережелерін қатаң сақтауды сұрайды.
Өскемендегі С.Аманжолов атындағы ШҚУ-ды "Журналистика" мамандығы бойынша тәмамдаған. Еңбек жолын 2015 жылы ШҚО "Алдаспан" газетінде тілші болып бастады. ШҚО "Менің өлкем" газетінде тілші, республикалық "Жас қазақ", "Заң" газеттерінде Шығыс Қазақстан облысы бойынша меншікті тілші, ШҚО "Менің өлкем" газетінің бас редакторы қызметтерін атқарған. Kazinform агенттігінде 2021 жылдан бері жұмыс істеп келеді.