ӨСКЕМЕН. ҚазАқпарат - Өскемен қаласында жеке кәсіпкердің қаражатына жылы аялдама салынды, деп хабарлайды ҚазАқпарат.
Жаңа жылы аялдама Е.П. Славский атындағы жағалаудың Мемориалдық кешен аялдамасында орнатылған.
«Бұл аялдама — сол маңдағы мейрамхана иесінің сыйы. Көктем шыққанда кәсіпкер абаттандыру жұмыстарына да атсалыспақ», – деп хабарлады Өскемен қаласы әкімдігінің баспасөз қызметі.
Осымен, Өскеменде жылы аялдамалар саны 12-ге жетті. Қалған аялдамалар Қасым Қайсенов, Мешіт, Ана мен бала орталығы, Достық, Молдағұлова, Егоров, Жаңа Ахмер, Қазақстан (2 дана) Казцинк және Спорт сарайы аялдамаларына орнатылған.
Талғатжан Мұхаметбекұлы
Өскемендегі С.Аманжолов атындағы ШҚУ-ды "Журналистика" мамандығы бойынша тәмамдаған. Еңбек жолын 2015 жылы ШҚО "Алдаспан" газетінде тілші болып бастады. ШҚО "Менің өлкем" газетінде тілші, республикалық "Жас қазақ", "Заң" газеттерінде Шығыс Қазақстан облысы бойынша меншікті тілші, ШҚО "Менің өлкем" газетінің бас редакторы қызметтерін атқарған. Kazinform агенттігінде 2021 жылдан бері жұмыс істеп келеді.