ӨСКЕМЕН. ҚазАқпарат – Өскемен қаласындағы техникалық қызмет көрсету орталығы өртке оранды, деп хабарлайды ҚазАқпарат тілшісі.
Қалалық Төтенше жағдайлар басқармасы баспасөз қызметінің мәліметіне сүйенсек, бүгін сағат 11.16-да Мельничная көшесіндегі техникалық қызмет көрсету стансасында өрт шыққан. Бірден оқиға орнына келіп жеткен өрт сөндірушілер сағат 11.47-де тілсіз жауды ауыздықтады.
Өрттің жалпы аумағы 120 шаршы метрді құраған. 1 автокөлік толықтай өртеніп кетсе, 2 көлікке зақым келген.
«Қызыл жалынның нақты неден шыққаны әзірге белгісіз. Өртті сөндіруге жеке құрамнан 17 адам мен 4 техника жұмылдырылды», - деп хабарлады ведомство өкілдері.
Талғатжан Мұхаметбекұлы
Өскемендегі С.Аманжолов атындағы ШҚУ-ды "Журналистика" мамандығы бойынша тәмамдаған. Еңбек жолын 2015 жылы ШҚО "Алдаспан" газетінде тілші болып бастады. ШҚО "Менің өлкем" газетінде тілші, республикалық "Жас қазақ", "Заң" газеттерінде Шығыс Қазақстан облысы бойынша меншікті тілші, ШҚО "Менің өлкем" газетінің бас редакторы қызметтерін атқарған. Kazinform агенттігінде 2021 жылдан бері жұмыс істеп келеді.