ӨСКЕМЕН. ҚазАқпарат – Өскемен қаласында трамвай қаққан ер адам көз жұмды, деп хабарлайды ҚазАқпарат тілшісі.
ШҚО полиция департаменті баспасөз қызметінің мәліметіне сүйенсек, оқиға 30 желтоқсан күні сағат 15:30 шамасында Абай даңғылы бойындағы «Старт» сауда үйінің маңында болған.
«Соңғы мәлімет бойынша қала тұрғыны рұқсат етілмеген жерде жолдан өтіп бара жатқан. Сол кезде оны трамвай қағып кетті. Ауыр дене жарақаттарын алған ер адам сол жерде мерт болған», - деді ШҚО ПД бастығы Сағат Мадиев.
Қазіргі уақытта оқиға орнында полиция қызметкерлері жұмыс істеп жатыр.
Анықталғандай, марқұм Өскемен қаласының 62 жастағы тұрғыны болып шықты.
Талғатжан Мұхаметбекұлы
Өскемендегі С.Аманжолов атындағы ШҚУ-ды "Журналистика" мамандығы бойынша тәмамдаған. Еңбек жолын 2015 жылы ШҚО "Алдаспан" газетінде тілші болып бастады. ШҚО "Менің өлкем" газетінде тілші, республикалық "Жас қазақ", "Заң" газеттерінде Шығыс Қазақстан облысы бойынша меншікті тілші, ШҚО "Менің өлкем" газетінің бас редакторы қызметтерін атқарған. Kazinform агенттігінде 2021 жылдан бері жұмыс істеп келеді.