ӨСКЕМЕН. ҚазАқпарат – Өскемен қаласында жол апатына түскен жедел жәрдем қызметкерлері жарақат алды, деп хабарлайды ҚазАқпарат тілшісі.
ШҚО Полиция департаменті баспасөз қызметінің мәліметіне сүйенсек, жол-көлік оқиғасы қаладағы Назарбаев даңғылында болған.
«Lada 21144 көлігінің жүргізушісі дымқыл асфальттан рульге ие бола алмай қалып, қарсы бағытқа шығып кеткен. Соның салдарынан ол жедел жәрдем көлігіне соғылды», - делінген ақпаратта.
Полиция қызметкерлері жеңіл көлік жүргізушісіне қатысты әкімшілік хаттама толтырды.
Облыстық Денсаулық сақтау басқармасының мәліметінше, жол апатынан зардап шеккен жедел жәрдем қызметкерлеріне медициналық көмек көрсетілген.
Талғатжан Мұхаметбекұлы
Өскемендегі С.Аманжолов атындағы ШҚУ-ды "Журналистика" мамандығы бойынша тәмамдаған. Еңбек жолын 2015 жылы ШҚО "Алдаспан" газетінде тілші болып бастады. ШҚО "Менің өлкем" газетінде тілші, республикалық "Жас қазақ", "Заң" газеттерінде Шығыс Қазақстан облысы бойынша меншікті тілші, ШҚО "Менің өлкем" газетінің бас редакторы қызметтерін атқарған. Kazinform агенттігінде 2021 жылдан бері жұмыс істеп келеді.