ӨСКЕМЕН. ҚазАқпарат – Өскемен қаласында жолаушылар отырған автобус жыраға құлап кетті, деп хабарлайды ҚазАқпарат тілшісі.
ШҚО Полиция департаменті баспасөз қызметінің мәліметіне сүйенсек, жол-көлік оқиғасы бүгін таңертең Красин кентінде болған.
«Қоғамдық көлік Пушкин көшесінде келе жатты. Кенет 59 жастағы жүргізуші рульге ие бола алмай қалып, автобус жыраға құлап кеткен. Жол апатынан зардап шеккен ешкім жоқ», - деп хабарлады ведомство өкілдері.
Тәртіп сақшылары аталған факті бойынша автобус жүргізушісіне ҚР ӘҚБтК-нің 620-бабына сәйкес әкімшілік хаттама толтырды.
Талғатжан Мұхаметбекұлы
Өскемендегі С.Аманжолов атындағы ШҚУ-ды "Журналистика" мамандығы бойынша тәмамдаған. Еңбек жолын 2015 жылы ШҚО "Алдаспан" газетінде тілші болып бастады. ШҚО "Менің өлкем" газетінде тілші, республикалық "Жас қазақ", "Заң" газеттерінде Шығыс Қазақстан облысы бойынша меншікті тілші, ШҚО "Менің өлкем" газетінің бас редакторы қызметтерін атқарған. Kazinform агенттігінде 2021 жылдан бері жұмыс істеп келеді.