ӨСКЕМЕН. ҚазАқпарат – Өскемен қаласында «Жұмыспен қамтудың жол картасы-2020» бағдарламасы шеңберінде «Алтай» стадионы қайта жаңғыртылуда, деп хабарлайды ҚазАқпарат тілшісі.
Бұл жайлы шаһар басшысы Жақсылық Омар Instagram-дағы жеке парақшасында жазды.
«Стадионда жөндеу жұмыстарының жүргізілмегеніне 50 жылдан астам уақыт болған. Мердігерлер әкімшілік ғимаратты қайта жаңғыртты: кәріз құбырларын, жылу жүйесін, терезелер мен шатырды ауыстырып, мекеменің алдын жөндеді. Күрделі жөндеу аясында гүлзар, спорттық жолақтың жабындысы алмастырылып, жарықтандыру мен прожекторлар жөндеуден өткізілді», - деді әкім.
Оның айтуынша, көрермендер үшін 150 орын жабдықталмақ. Сонымен қатар Чехов көшесінен стадионға кіретін жол да жөнделеді.
Талғатжан Мұхаметбекұлы
Өскемендегі С.Аманжолов атындағы ШҚУ-ды "Журналистика" мамандығы бойынша тәмамдаған. Еңбек жолын 2015 жылы ШҚО "Алдаспан" газетінде тілші болып бастады. ШҚО "Менің өлкем" газетінде тілші, республикалық "Жас қазақ", "Заң" газеттерінде Шығыс Қазақстан облысы бойынша меншікті тілші, ШҚО "Менің өлкем" газетінің бас редакторы қызметтерін атқарған. Kazinform агенттігінде 2021 жылдан бері жұмыс істеп келеді.