ӨСКЕМЕН. ҚазАқпарат – Өскемен қаласындағы мейрамханалардың бірінен ақша салынған сейф қолды болды, деп хабарлайды ҚазАқпарат.
Оқиға жуықта түнгі сағат 03.00 шамасында болған. Мейрамхана ішіне терезе арқылы кірген ұрылар 20 200 доллар мен 100 мың теңге салынған темір сейфті жымқырған.
«Тәртіп сақшылары жедел-іздестіру шаралары барысында 26 және 35 жастағы екі күдіктіні қолға түсірді. Өз кінәларын мойындаған олар уақытша ұстау изоляторына қамауға алынған. Аталған факті бойынша ҚР ҚК-нің 188-бабы 4-тармағымен (Ұрлық) сотқа дейінгі тергеу жүргізілуде», - дейді Өскемен қалалық Полиция басқармасының бастығы Даур Ибраев.
Талғатжан Мұхаметбекұлы
Өскемендегі С.Аманжолов атындағы ШҚУ-ды "Журналистика" мамандығы бойынша тәмамдаған. Еңбек жолын 2015 жылы ШҚО "Алдаспан" газетінде тілші болып бастады. ШҚО "Менің өлкем" газетінде тілші, республикалық "Жас қазақ", "Заң" газеттерінде Шығыс Қазақстан облысы бойынша меншікті тілші, ШҚО "Менің өлкем" газетінің бас редакторы қызметтерін атқарған. Kazinform агенттігінде 2021 жылдан бері жұмыс істеп келеді.