ӨСКЕМЕН. ҚазАқпарат – Өскемен қаласындағы «Antikor ortalyǵy» сервистік орталығында аптасына бір рет тұрғындарға тегін заңгерлік кеңес беріледі, деп хабарлайды ҚазАқпарат.
Сыбайлас жемқорлыққа қарсы іс-қимыл агенттігінің ШҚО бойынша департаменті таратқан мәліметке сүйенсек, «Antikor ortalyǵy» ғимаратында әр сенбі сайын сағат 10.00-13.00 аралығында «Adal komek» акциясы өтеді.
«Мұндағы мақсат – дүйім жұртқа тегін құқықтық кеңес беру. Кез келген сұрақтар бойынша 8(7232)29-88-29 немесе 1424 нөміріне хабарласуға болады», - деп хабарлады департамент мамандары.
«Antikor ortalyǵy» сервистік орталығы Лихарев көшесі, 2Б мекенжайында орналасқан.
Талғатжан Мұхаметбекұлы
Өскемендегі С.Аманжолов атындағы ШҚУ-ды "Журналистика" мамандығы бойынша тәмамдаған. Еңбек жолын 2015 жылы ШҚО "Алдаспан" газетінде тілші болып бастады. ШҚО "Менің өлкем" газетінде тілші, республикалық "Жас қазақ", "Заң" газеттерінде Шығыс Қазақстан облысы бойынша меншікті тілші, ШҚО "Менің өлкем" газетінің бас редакторы қызметтерін атқарған. Kazinform агенттігінде 2021 жылдан бері жұмыс істеп келеді.