ОРАЛ. 17 қаңтар. ҚазАқпарат /Елжан Ералы/ - Осы жасымда сайлауға қатысқаныма ризамын. Бұл туралы сайлау күні өз үйінде дауыс берген, Ақжайық ауданы Жайық ауылдық округінде тұратын 104 жастағы Қапиза Ахметова мәлім етті.
Қ.Ахметова 1908 жылы қазіргі Теректі ауданы Көнеккеткен ауылында дүниеге келген. Бар өмірі Жайықтың жағалауында өткен. Азамат соғысы, ұжымдастыру, Ұлы Отан соғысы, тың көтеру - бәрінің салмағын елмен бірге көтерген кейуана бүгінде қызы Күлжан Жантуринаның қолында тұрады. Ері Ұлы Отан соғысында хабарсыз кеткеннен кейін екі қызымен қалған ол қайтып тұрмыс құрмаған.
«Басымыздан неше түрлі заман өтті. Қиыншылықты да, қуанышты да көрдік. Тәуелсіз еліміз қарияларға бар жақсылықты жасап отыр. Осыдан артық не керек! Сайлау күні де ұмытпай, комиссия мүшелері жәшігін алып, үйге келді. Еліміз аман, жұртымыз тыныш болсын», дейді Қ.Ахметова.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).