Отандық конькиші Әлем кубогында алтын жүлдеге қол жеткізді

АСТАНА. KAZINFORM — Қазақстандық конькимен жүгіруші Евгений Кошкин Әлем кубогының кезеңінде алтын медаль жеңіп алды, деп хабарлайды ҰОК баспасөз қызметі.

Әлем кубогының кезеңі Польшаның Томашув-Мазовецк қаласында өтті.

Спортшы 500 метр қашықтықта жоғары нәтиже көрсетті. Оның мәреге жеткен уақыты — 34,52 секунд.

Екінші орынды канадалық Лорен Дюбрель иеленді — 34,70 секунд.

Қола медальді польшалық Марек Каниа жеңіп алды — 34,76 секунд.

Айта кетейік, Қазақстан соңғы рет Әлем кубогы кезеңінде алтынды 2011 жылы командалық спринтте жеңіп алған еді.

Осыған дейін Футзалдан Чемпиондар лигасы финалындағы «Қайраттың» қарсыласы анықталды.

Сонымен қатар, кеше Милад Карими гимнастикадан Әлем кубогында алтын жүлде еншілегенін жаздық.