Өткен жылдың желтоқсанында азық-түлік бағасы 5,3 пайызға өсті - Статистика

Бұл туралы ҚР Статистика агенттігінен хабарланды.

Атап айтқанда, агенттіктің мәліметіне қарағанда, 2012 жылғы желтоқсанда 2011 жылғы тиісті аймен салыстырғанда баға ұнға 7,6 пайызға, макарон өнімдеріне - 7,5 пайыз, балық және теңіз, тоқаш және ұн өнімдеріне - 5,7 пайыздан, кофе, шай және какаоға - 5,5 пайызға, кондитерлік өнімдерге - 5 пайыз өскен. Сондай-ақ, алкогольді ішімдіктерге баға - 4,9 пайызға, жемістер мен көкөністерге - 4,8 пайызға, сүт өнімдеріне - 3,8 пайыз, ал нанға - 2,5 пайызға артқан. Сонымен бірге, бағаның төмендеуі жармаларға 27 пайыз, өсімдік майына - 2,6 пайыз, қантқа - 2,1 пайызға байқалды.

Бұдан бөлек, аталған кезеңде ет және ет өнімдері бағасының өсімі 9,5 пайыз құрады. Шошқа етіне баға деңгейі 12,8 пайыз, қой етіне - 11,6 пайыз, сиыр етіне - 11,1 пайыз, жылқы етіне - 10,8 пайыз, құс етіне - 5,7 айыз, шұжық өнімдеріне - 5,1 пайызға жоғары болды.

2012 жылғы желтоқсанда Қазақстан Республикасындағы негізгі азық-түлік тауарларының орташа бағасы