"Тұмау мен өткір тыныс жолдары вирустық инфекциялардың шарықтау шыңы - күзгі-қысқы мерзімге келетін маусымдық аурулардың өсуіне әкеледі. Онымен ауыратын адамдардың қатарында 14 жасқа дейінгі балалар 69 - 72 пайыз аралығында болды. Биыл да бұған дейінгі маусымдармен салыстырғанда тұмау мен өткір тыныс жолдары вирустық инфекцияларда қандай да бір өзгешелік болмайды", - дейді ҚР Денсаулық сақтау министрлігі Санитарлық-эпидемиологиялық сараптау және мониторингтеу ғылыми-тәжірибелік орталығының Эпидемиологиялық мониторинг және тәуекелді бағалау бөлімінің меңгерушісі Айнагүл Қуатбаева. Орталық мамандарының болжамына қарағанда, аурудың өсу кезеңі желтоқсанның ортасында басталып, оның шарықтау шыңы қаңтардың 3, 4 аптасына, яғни 15-20-сы күндері орын алмақ.
Ал ақпан-наурыз айында бұған дейінгі жылдардағыдай Б вирусының белсенділігі жоғары болады. Наурыздың ортасында аурудың таралуы біршама жоғарылауы, немесе екінші толқын болуы мүмкін. Дегенмен, аурудың екінші толқыны біріншімен салыстырғанда 10 есеге дейін төмен болады.