ТАШКЕНТ. KAZINFORM – Өзбекстанда телекоммуникация желілерін пайдаланып және кәмелетке толмағандарды тарта отырып, есірткі немесе психотроптық заттарды жарнамалағандарға заң күшейді, деп хабарлайды Kazinform агенттігінің Ташкенттегі меншікті тілшісі Әлихан Асқар.
Тиісті түзетулер Қылмыстық, Қылмыстық іс жүргізу және Әкімшілік кодекстерге енгізілді. Құжатқа 5 қазанда Өзбекстан президенті Шавкат Мирзиеёв қол қойды.
Аталған кодекстерге жаңа баптарды енгізу жөніндегі шешімді Олий Мәжілістің заң шығарушы палатасы биыл сәуірде қабылдаған, кейін оны маусым айында сенаторлар мақұлдады.
Оған сай, интернетте есікрткі немесе психотроптық заттарды жарнамалағандарға қылмыстық және әкімшілік жаза қолданылады.
Сондай-ақ, есірткіні сату мақсатын көздемей, сақтағандарға да жауапкершілік қатаң болмақ. Бұл бап бойынша қолданылатын ең ауыр жаза - 3 жылға бас бостандығынан айыру.
Әлихан Асқар
2018 жылы А. Байтұрсынов атындағы Қостанай мемлекеттік университетін журналистика мамандығы бойынша тәмамдаған. Әр жылдары облыстық Qostanai, республикалық Astana TV, «Жетінші арна» телеарналарындағы бағдарлама және жаңалықтар бөлімінде қызмет етті. «ҚР Президенті телерадиокешенінде» 2022 жылдың мамырынан бастап еңбек етеді. 2023 жылдан бері Kazinform агенттігінің Өзбекстандағы меншікті тілшісі.