Салық ставкаларын өзгеріссіз қалдыру шешімі бизнесті қолдауға, әділ бәсекелестік қалыптастыруға және көлеңкелі экономиканың үлесін азайтуға бағытталған.
Қазір табыс салығының базалық мөлшерлемесі - 15%. Шетелдік азаматтар мен компаниялар үшін табыс салығы жоғары. Ал Өзбекстандағы қосымша құн салығының мөлшері - 12%.
Бұған дейін хабарлағанымыздай, Өзбекстанның Дүниежүзілік сауда ұйымына қосылу процесі аяқталуға жақын.
Еске салайық, келер жылы Өзбекстан $43 млрд инвестицияны игеруді жоспарлап отыр.
Бұған дейін Өзбекстан Сенаты елдің 2025 жылға арналған бюджетін мақұлдаған болатын. Оған сай, шоғырландырылған бюджет кірісі 431 трлн сум (шамамен $33,4 млрд), шығыстар 480,5 трлн сум ($37,3 млрд) шамасында жоспарланған.
Сонымен қатар, Өзбекстан билігі елдегі кедейлік деңгейін 6% дейін төмендетуге ниетті.