Өзбекстан, Қырғызстан және Тәжікстан президенттері Наурыз мерекесін бірге тойлайды

АСТАНА. KAZINFORM — Өзбекстан, Қырғызстан және Тәжікстан президенттері Шавкат Мирзиеев, Садыр Жапаров және Эмомали Рахмон Тәжікстанда өтетін кездесуде Наурыз мейрамын бірге тойлайды.

Бұл туралы Қырғызстан президенті мәлімдеді, деп жазады Report.

Оның айтуынша, бірлескен мереке Орталық Азия халықтарының татулығы мен бірлігін бейнелейтін игі дәстүрге айналады.

— Біздің ортақ міндетіміз — халықтар арасындағы сенімді нығайту. Бұл бағыттағы маңызды қадам шекаралас аймақтар арасындағы ынтымақтастықты нығайту болып табылады. Мұнда бірлескен мәдени шаралар ерекше рөл атқарады. Осы тұрғыда 31 наурызда Ходжентте өтетін Нооруз мерекесінің маңыздылығын атап өткім келеді. Шақыру үшін алғысымды білдіремін және қатысуымды растаймын, — деді Жапаров.

Айта кетейік, Алматы облысында Ұлыстың ұлы күні — Наурыз мерекесі ерекше марафон форматында өтеді. Оның аясында 368 шара ұйымдастырылады.