АСТАНА. ҚазАқпарат - Қазақ күресінен Алматыда өтіп жатқан «Еуразия Барысы» турнирінде Өзбекстан құрамасы қола жүлдегер атанды, деп хабарлайды ҚазАқпарат тілшісі.
Өзбек балуандары жартылай финалда Жапония балуандарын 6:2 есебімен ұтып, үздік үштіктен көрінді.
Өзбекстан құрамасы алғашқы іріктеу сынында Камерун балуандарын 7:1 есебімен қапы қалдырып, ширек финалда Бразилия балуандарын 8:0 есебімен ойсырата ұтқан еді. Міне, жартылай финалда Жапония құрамасын жеңіп, қола жүлдеге қол жеткізді.
Енді, «Қазақстан 1» құрамасы мен Алматы облысынан құралған «Қазақстан 2» командалары финалда бас жүлдені сарапқа салады.
Күнсұлтан Отарбай
Еуразия Ұлттық университетінің түлегі. Республикалық «Қазақ спорты», «Sport» газеттерінде қызмет атқарған.
2014 жылғы Сочи, 2016 жылғы Рио-Де Жанейро, 2017 жылғы Инчхон және 2024 жылғы Париж Олимпиадасында, сонымен қатар бір қанша Қысқы және Жазғы Азия ойындарынан, әлем біріншіліктеріне барып тікелей хабар таратқан журналист.
Сейдақмет Бердіқұлов атындағы арнайы сыйлықтың лауреаты.