Бұл туралы Ауғанстан Өнеркәсіп және сауда министрлігінің баспасөз қызметі хабарлады.
Конференцияға екі елдің лауазымды тұлғалары, кәсіпкерлері және бизнес қауымдастықтары қатысты.
Келісімшарт ынтымақтастықтың 13 саласын, соның ішінде ұн, цемент, мұнай өнімдері, макарон, жаңа піскен жемістер мен көкөністер жеткізуді қамтиды.
Келісімшарттарға Пәкістанмен шекарадағы шиеленіс пен Таяу Шығыстағы тұрақсыздыққа байланысты Ауғанстан алдында тұрған сауда және транзиттік қиындықтардың артуы аясында қол қойылды.
Ауғанстанның Өнеркәсіп және сауда министрі Нуриддин Азизи Кабул мен Ташкент арасындағы экономикалық қарым-қатынастар соңғы айларда айтарлықтай күшейгенін мәлімдеді.
Оның айтуынша, ауған тарапы аймақтық сауда байланыстарын нығайту және инвесторлар үшін қолайлы жағдай жасау бойынша жұмыс жүргізіп жатыр.
Форумға қатысушылар Өзбекстан мен Ауғанстан арасында жасалған келісімдердің жалпы құны 1,5 миллиард доллардан асқанын хабарлады.
Айта кетейік, наурыз айында тараптар 514,8 миллион долларлық келісімдерге қол қойды.