Өзбекстан президенті Шавкат Мирзиёев Астанаға келе жатыр
ТАШКЕНТ. KAZINFORM – Мемлекет басшысы Қасым-Жомарт Тоқаевтың шақыруымен Өзбекстан президенті Шавкат Мирзиёев 8 қыркүйекте жұмыс сапарымен Астана қаласына аттанды, деп хабарлайды Kazinform агенттігінің Ташкенттегі меншікті тілшісі Әлихан Асқар.
Фото: Өзбекстан президентінің баспасөз қызметі
Өзбекстан басшысының баспасөз қызметінен мәлім еткендей, Шавкат Мирзиёев елордада V Дүниежүзілік көшпенділер ойындарының салтанатты ашылу рәсіміне қатысады.
Еске салайық, Өзбекстан атынан Дүниежүзілік көшпенділер ойындарына 120-дан астам спортшы қатысады.
Осыған дейін Садыр Жапаров 8 қыркүйекте V Дүниежүзілік көшпенділер ойындарының ашылу салтанатына қатысу үшін Астанаға келетінін хабарладық. Бұл туралы Қырғызстан президенті әкімшілігінің сыртқы саясат бөлімінің меңгерушісі Мұратбек Әзімбақиев мәлімдеді.
2018 жылы А. Байтұрсынов атындағы Қостанай мемлекеттік университетін журналистика мамандығы бойынша тәмамдаған. Әр жылдары облыстық Qostanai, республикалық Astana TV, «Жетінші арна» телеарналарындағы бағдарлама және жаңалықтар бөлімінде қызмет етті. «ҚР Президенті телерадиокешенінде» 2022 жылдың мамырынан бастап еңбек етеді. 2023 жылдан бері Kazinform агенттігінің Өзбекстандағы меншікті тілшісі.