Өзбекстанда электромобильдерге арнайы нөмірлер берілмек
09:35, 14 Тамыз 2021
ТАШКЕНТ. ӨзА – ҚазАқпарат - 2021 жыл 1 қазан айынан бастап Өзбекстанда электромобильдерге арнайы мемлекеттік нөмірлер беріледі. Бұл туралы ҚазАқпарат ӨзА сілтеме жасап хабарлайды.
«Өзбекстан Республикасында электр қуатымен жүретін автокөлік құралдарын пайдалануды дамытуға және жол қозғалысы қауіпсіздігі саласындағы процедураларды жеңілдету шаралары туралы» қаулы қабылданды.
Қаулыға сай, электр қозғалтқышының қуаты 4 киловатт болатын сағатына 40 шақырым және одан да жылдам жүретін көлік құралдарына арнайы мемлекеттік нөмірлер беріледі.