ТАШКЕНТ. KAZINFORM – Ауа райының күрт салқындауына байланысты бүгіннен бастап Өзбекстандағы газ құю станцияларының жұмысына шектеу енгізіледі, деп хабарлайды Kazinform агенттігінің Ташкенттегі меншікті тілшісі.
Энергетика министрлігінің мәліметінше, салқынға байланысты магистральдық газ құбырларындағы қысым төмендеді. Бұл уақытта газ бірінші кезекте тұрғын үйлер мен әлеуметтік нысандарға бағытталады. Сондықтан 10 наурыздан бастап станциялар сағат 16:00-ге дейін жұмыс істейді.
Еске салайық, таяуда Өзбекстанда газ бағасын негізсіз көтерген компанияларға қатысты іс қозғалды.
Сондай-ақ, былтыр Өзбекстан Қытайға 773 млн доллардың газын экспорттады.
Бұған дейін хабарлағанымыздай, биыл Өзбекстанда сұйытылған газ қымбаттады.
Беларусь Өзбекстандағы АЭС құрылысына жәрдемдесуге дайын.
Әлихан Асқар
2018 жылы А. Байтұрсынов атындағы Қостанай мемлекеттік университетін журналистика мамандығы бойынша тәмамдаған. Әр жылдары облыстық Qostanai, республикалық Astana TV, «Жетінші арна» телеарналарындағы бағдарлама және жаңалықтар бөлімінде қызмет етті. «ҚР Президенті телерадиокешенінде» 2022 жылдың мамырынан бастап еңбек етеді. 2023 жылдан бері Kazinform агенттігінің Өзбекстандағы меншікті тілшісі.