ТАШКЕНТ. KAZINFORM – Биылғы қаңтар-ақпан айларында Өзбекстанда 7,7 млрд текше метр газ өндірілді, бұл 2023 жылдың сәйкес кезеңімен салыстырғанда 5,6%-ға аз, деп хабарлайды Kazinform агенттігінің Ташкенттегі меншікті тілшісі Әлихан Асқар.
Өзбекстан Статистика агенттігінің мәліметінше, аталған аралықта республикада көмір - 3,4%-ға, ал мұнай өндірісі 7%-ға дейін төмендеген. Дегенмен бұл ретте газ конденсатының өндірісі 209,3 мыңнан 214,7 мың тоннаға дейін өсті.
Айта кетейік, өткен жылдың қорытындысы бойынша Өзбекстанның кәсіпорындарында 46,7 млрд текше метр газ өндірлген. Бұл ретте жыл ішінде өндіріс көлемі 9,4%-ға құлдырады.
Биыл «ӨзбекМұнайГаз» АҚ салаға 320 млн доллар инвестиция салып, 29,3 млрд текше метр газ өндіріп алуды жоспарлап отыр.
Әлихан Асқар
2018 жылы А. Байтұрсынов атындағы Қостанай мемлекеттік университетін журналистика мамандығы бойынша тәмамдаған. Әр жылдары облыстық Qostanai, республикалық Astana TV, «Жетінші арна» телеарналарындағы бағдарлама және жаңалықтар бөлімінде қызмет етті. «ҚР Президенті телерадиокешенінде» 2022 жылдың мамырынан бастап еңбек етеді. 2023 жылдан бері Kazinform агенттігінің Өзбекстандағы меншікті тілшісі.