ТАШКЕНТ. ҚазАқпарат – Өзбекстанның Ташкент қаласындағы киім дүкендерінің бірінен өрт шықты, деп хабарлайды ҚазАқпарат Өзбекстан Республикасы Төтенше жағдайлар министрлігінің Телеграмдағы ресми парақшасына сілтеме жасап.
«11 қазан күні сағат 08:50-де Ташкент ТЖБ кезекші бөліміне «Uchtepa Outlet Centre» киім дүкенінде өрт шыққаны туралы хабарлама түсті. Отқа оранған дүкен Учтепин ауданы, «Фархад» көшесінде орналасқан. ТЖМ құтқару жасақтары оқиға орнына 3 минутта келді. Дереу әрекет етудің нәтижесінде сағат 09:54-те өрт толық сөндірілді. Өрттің шығу себептері анықталуда», - деп жазды Өзбекстан Республикасы Төтенше жағдайлар министрлігі телеграмдағы ресми парақшасында.
Өзбекстан Республикасы ТЖМ мәліметінше, өрт сөндіруге 10-нан астам арнайы техника жұмылдырылған. Ал қызыл жалын шарпыған аумақ 1500 шаршы метрді құрайды.
Әлихан Асқар
2018 жылы А. Байтұрсынов атындағы Қостанай мемлекеттік университетін журналистика мамандығы бойынша тәмамдаған. Әр жылдары облыстық Qostanai, республикалық Astana TV, «Жетінші арна» телеарналарындағы бағдарлама және жаңалықтар бөлімінде қызмет етті. «ҚР Президенті телерадиокешенінде» 2022 жылдың мамырынан бастап еңбек етеді. 2023 жылдан бері Kazinform агенттігінің Өзбекстандағы меншікті тілшісі.