Әндіжан облысының Булоқбашы ауданындағы шахтада 46 жастағы ер адамды тас басып қалды. Салдарынан ол оқиға орнында көз жұмды, деп хабарлайды Kazinform Gazeta.uz сайтына сілтеме жасап.
25 қарашада Әндіжан облысы Булоқбашы ауданындағы шахтада жұмыс істейтін 46 жастағы ер адам абайсыздықтан көз жұмды. Бұл туралы ӨР Бас прокуратураның баспасөз қызметі хабарлады.
Оқиға таңғы сағат 10:00-де «Мұхаммед Тош» шахтасында болған. Қазба жұмыстарын жүргізіп жатқан ер адамның үстіне абайсызда тас домалап түсіп, жаншып өткен. Салдарынан ол сол жерде көз жұмды.
Марқұмның әйелі мен екі баласы болған. Қазір аудандық ІІБ тергеу бөлімі тергеу амалдарыy жүргізіп жатыр.
Жарасқан Нұрыбаев
Нұрыбаев Жарасқан Бекназарұлы
1990 жылдың 12 қаңтарында Өзбекстан Республикасында туған.
"Низами" атындағы Ташкент Мемлекеттік Педагогика Университетінің түлегі.
Газет және телеарналарда тілші әрі тележүргізуші қызметін атқарған.
Бірнеше Халықаралық ақындар мүшәйрасының жүлдегері.
Қазіргі таңда ҚР Президентінің Телерадиокешенінде "Қазақпарат" ХАА шығарушы редакторы