Ол «UZINSURANCE» сақтандыру компаниясы – Өзбекстанда вакцина алған адамның еңбек қабілетінен айырылу немесе өлімнен сақтандыруды енгізіп жатқан алғашқы компаниялардың бірі екенін атап өтті.
«Сақтандыру полисінің құны 5 және 10 мың сум, ал сақтандыру жауапкершілігі – 25 млн және 50 млн мың сум (1-2 млн теңге). Сақтандыру келісімшартын рәсімдеу үшін жеке куәландыру құжаты мен вакциналау процесіне қатысты ақпарат қажет», - деп мәлімдеді спикер.
Еске сала кетсек, Өзбекстанда вакциналау науқаны 1 сәуірде басталған. 4 вакцина егіліп жатыр. Еуропалық AstraZeneca вакцинасы, қытай-өзбек ZF-UZ-VAC2001 вакцинасы, ресейлік «Спутник-V» және 1 тамыздан бастап американдық Moderna. Бүгінде елде вакцинаның 12 миллионнан астам дозасы қолданылған.
Эпидемиологиялық жағдайдың күрделенуі байланысты Өзбекстанда 3 тамыздан бастап жұмыс істейтін тұрғындардың міндетті түрде вакцина алуының құқықтық негізін бекіткен заң қабылданды.
Авторы Мәдибек Жәнібеков