Бұл туралы Өзбекстанның Сыртқы істер министрі Владимир Норов Афиныда өткен ЕҚЫҰ Сыртқы істер министрлері кеңесінің 17-ші кездесуінде мәлім етті, деп хабарлады Өзбекстанның сыртқы саясат ведомствосының баспасөз қызметінен.
Ведомствоның баспасөз қызметінен хабарлағандай, Сыртқы істер министрі желтоқсанның 27-сінде Өзбекстанда кезекті парламенттік сайлау өтетінін жеткізді. Парламенттегі 150 орынға төрт саяси партия мен Өзбекстанның экологиялық қозғалысы қоғамдық ұйымының атынан кандидаттар таласады.
Қазіргі уақытта парламентке 517 кандидат ұсынылды, олардың 31,9 пайызын әйелдеп құрап отыр.
Сайлау үдерісінің ашықтығын қамтамасыз ету мақсатында, сайлауға жергілікті және халықаралық байқаушылар қатысады. «Бүгінгі таңда әлемнің 36 елі мен ТМД, ШЫҰ, Ислам конференциясы ұйымы, ЕҚЫҰ-ның Демократиялық институттар және адам құқықтары бюросының атынан 250-ден астам өкіл сайлау барысын бақылауға қатысатындарын қуаттады», деп хабарлайды министрліктің баспасөз қызметі В.Норовтың сөзіне сілтеме жасап.