Өзбекстандық еңбек мигранттарының ақша аударымдары жалпы халық табысының 16% тең

ТАШКЕНТ. KAZINFORM – Өзбекстанда халықтың барлық жиынтық табысының шамамен 16 пайызы еңбек мигранттарының ақша аударымдарынан келеді, деп хабарлайды Kazinform агенттігінің меншікті тілшісі Әлихан Асқар.

Өзбекстан Орталық банкінің есебіне сәйкес, еңбек миграциясы халықтың жиынтық табысына, ішкі сұранысқа және ақша аударымдарынан болатын балансының тұрақтылығына әсер етеді.

«2018-2023 жылдар аралығында халықтың барлық жиынтық табысының шамамен 16%-ы еңбек мигранттарының ақша аударымдарына тиесілі болды. Сауда балансы тапшылығының көп бөлігі трансшекаралық ақша аударымдарының есебінен өтеледі», - делінген Орталық банк ақпаратында.

Айта кетейік, бүгінде еңбек мигранттары негізінен жақын маңдағы елдерде, яғни Ресей мен Қазақстанда шоғырланған.