ТАШКЕНТ. KAZINFORM – Өзбекстанда халықтың барлық жиынтық табысының шамамен 16 пайызы еңбек мигранттарының ақша аударымдарынан келеді, деп хабарлайды Kazinform агенттігінің меншікті тілшісі Әлихан Асқар.
Өзбекстан Орталық банкінің есебіне сәйкес, еңбек миграциясы халықтың жиынтық табысына, ішкі сұранысқа және ақша аударымдарынан болатын балансының тұрақтылығына әсер етеді.
«2018-2023 жылдар аралығында халықтың барлық жиынтық табысының шамамен 16%-ы еңбек мигранттарының ақша аударымдарына тиесілі болды. Сауда балансы тапшылығының көп бөлігі трансшекаралық ақша аударымдарының есебінен өтеледі», - делінген Орталық банк ақпаратында.
Айта кетейік, бүгінде еңбек мигранттары негізінен жақын маңдағы елдерде, яғни Ресей мен Қазақстанда шоғырланған.
Әлихан Асқар
2018 жылы А. Байтұрсынов атындағы Қостанай мемлекеттік университетін журналистика мамандығы бойынша тәмамдаған. Әр жылдары облыстық Qostanai, республикалық Astana TV, «Жетінші арна» телеарналарындағы бағдарлама және жаңалықтар бөлімінде қызмет етті. «ҚР Президенті телерадиокешенінде» 2022 жылдың мамырынан бастап еңбек етеді. 2023 жылдан бері Kazinform агенттігінің Өзбекстандағы меншікті тілшісі.