АСТАНА. KAZINFORM - Италияның Бусто-Арсицио қаласында өтіп жатқан лицензиялық турнирде бүгін өзбекстандық қазақ боксшысы Руслан Абдуллаев Париж Олимпиадасының жолдамасын жеңіп алды.
Атап айтсақ, 2023 жылғы әлем чемпионы атанған қандасымыз Руслан Абдуллаев бүгін Италияда өтіп жатқан лицензиялық турнирдің ширек финалында серб боксшысы Алексей Сендрикпен қолғап түйістіріп, нәтижесінде қарсыласын 3:1 есебімен жеңді. Осылайша өзбекстандық қазақ боксшы жартылай финалға шығып, Париж Олимпиадасына жолдаманы жеңіп алды.
Айта кетсек, лицензиялық турнирде жартылай финалға дейін жеткен боксшылар 2024 жылғы Олимпиада ойындарына жолдама алады.
Күнсұлтан Отарбай
Еуразия Ұлттық университетінің түлегі. Республикалық «Қазақ спорты», «Sport» газеттерінде қызмет атқарған.
2014 жылғы Сочи, 2016 жылғы Рио-Де Жанейро, 2017 жылғы Инчхон және 2024 жылғы Париж Олимпиадасында, сонымен қатар бір қанша Қысқы және Жазғы Азия ойындарынан, әлем біріншіліктеріне барып тікелей хабар таратқан журналист.
Сейдақмет Бердіқұлов атындағы арнайы сыйлықтың лауреаты.