Өзбекстаннан Қазақстанға пойызбен келетіндерге жеңілдіктер берілмек

АСТАНА. ҚазАқпарат - «Өзбекстан темір жолдары» компаниясы 2018 жылы Қазақстанға және Ресейге баратын тікелей рейстердің жолаушылары үшін жеңілдіктер енгізбек, деп хабарлайды Trend.

2 қаңтардан енгізілетін жеңілдіктердің көлемі жол жүру билетін алдын ала алу мерзіміне байланысты. Мәселен, купелік вагондарға билетті пойыз жүрерден 45-31 тәулік бұрын 45%, 30-6 тәулік бұрын 35% жеңілдікпен алуға болады.

Жеңілдіктер «Қазақстан теміржолы», «Ресей темір жолдары» және «Өзбекстан темір жолдары» акционерлік қоғамдары арасындағы бағыттарда жарамды.

Бірақ ел ішіндегі бағыттар үшін мұндай жеңілдік жоқ.