Өткен жылы Өзбекстан экономикасындағы өсім 5,5 пайызды құрады. Мұндай деректер Дүниежүзілік банктің (ДБ) «Әлемдік экономиканың перспективалары» баяндамасында келтірілген, деп хабарлайды Kazinform агенттігінің меншікті тілшісі.
Аталған көрсеткіштке Дүниежүзілік банк жыл ішінде үш рет өзгеріс енгізді. Оның барлығы өсім жаққа бағытталған.
Өткен жылдың басында ДБ Өзбекстан экономикасының жылдық өсімін 4,9% деңгейінде болады деп бағалады.
Алайда, алғашқы жартыжылдықтың қорытындысы бойынша болжамды - 5,1%, ал қазанда 5,5 пайызға дейін көтерді.
Дүниежүзілік банктің бағалауынша, Өзбекстанның экономикалық өсім қарқыны биыл да 5,5% деңгейінде сақталады.
Әлихан Асқар
2018 жылы А. Байтұрсынов атындағы Қостанай мемлекеттік университетін журналистика мамандығы бойынша тәмамдаған. Әр жылдары облыстық Qostanai, республикалық Astana TV, «Жетінші арна» телеарналарындағы бағдарлама және жаңалықтар бөлімінде қызмет етті. «ҚР Президенті телерадиокешенінде» 2022 жылдың мамырынан бастап еңбек етеді. 2023 жылдан бері Kazinform агенттігінің Өзбекстандағы меншікті тілшісі.