ҚЫЗЫЛОРДА. ҚазАқпарат - Қызылорда облысы Қазалы ауданында полицияға өзі туған нәрестені көшеден тауып алғаны жөнінде жалған айтқан әйелге қатысты қылмыстық іс қозғалды, деп хабарлайды ҚазАқпарат тілшісі.
Оқиға Қазалы ауданының орталығы - Әйтеке би кентінің шеткі аймағында болған. Кент тұрғыны өзі дүниеге алып келген шақалақты көшеден тауып алдым деп полицияға жалған айтқан.
«Әйел қазір босанған шақалақ екеуі перзентханада ем қабылдауда. Оқиға бойынша ҚР Қылмыстық кодексінің 119-бабы 1-бөлігімен сотқа дейінгі тергеп-тексеру басталды», - деп мәлім етті Қызылорда облыстық полиция департаментінен.
Еске салсақ, бұдан бұрын Қостанайда базардан нәрестенің мәйіті табылды.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.