Бұл туралы бүгінгі баспасөз мәслихатында ҚР Бас прокуратурасының ресми өкілі Жандос Өмірәлиев мәлім етті.
ҚазАқпарат бұдан бұрын хабарлағандай, 17 мамыр күні Ұлттық қауіпсіздік комитеті Ақтөбе облыстық департаментінің ғимаратында жарылыс орын алды. Полиция таратқан мәліметке сәйкес, ұйымдасқан қылмыстық топтың құрамында бірнеше қылмыс жасаған Рақымжан Мақатов (1986 ж.т.) өзін-өзі жарып жіберген. «Қазіргі кезде осы іске қатысты барлық тергеу амалдары құпия тұрғыда жүргізілуде. Сондықтан мен қандай да бір түсініктеме бере алмаймын», - деді Ж.Өмірәлиев.