Пәкістан шайынан денсаулыққа зиян бояу табылды
«ҚР Денсаулық сақтау министрлігінің Қоғамдық денсаулық сақтау комитеті Пәкістанда өндірілген шайдың Кеден одағының «Азық-түлік өнімдерінің қауіпсіздігі туралы», «Азық-түлік өнімдерін маркалау талаптары», «Азық-түлік қоспаларының, иістендіргіштердің және технологиялық қосалқы заттардың қауіпсіздік талаптары» сияқты техникалық регламенттеріне жауап бермейтіндігі анықталды», - делінген хабарламада.
Ведомствоның мәлімдеуінше, Пәкістанда жасалған: «Al Barkat» (өндіруші - «A.A. Mughal General Traders»), «Gajjal's Теа» (өндіруші - KPK «Gajjal's»), «Allama» (өндіруші - «MTI medical Pvt»), «Pac Tea» (өндіруші - «Zaib-un-Nisa street Sadar Karachi») және «Allied Tea» (өндіруші - «S.I.T.E. Karachi») шайларынан синтетикалық бояулар табылған.
Бұдан тыс, «Al Barkat» шайындағы зең нормадан 10 есе, «Gajjal's Теа» шайында 2-4 есе артық екені анықталды.
Сондай-ақ пәкістандық шай таңбалау талаптарына да сай емес: өнімнің шығарылған күні, өндірушінің атауы және орналасқан жері, ЕАС (еуразиялық сәйкестік) бірыңғай белгісі көрсетілмеген.
Комитет қазіргі кезде жоғарыда аталған өнімдерді тәркілеу және жою шараларын жүргізіп жатыр.