НҰР-СҰЛТАН. ҚазАқпарат - Пәкістанның Белуджистан провинциясында көлік апатынан 14 адам қаза тауып, 7 адам жарақат алды. Бұл жайлы дүйсенбі күні The Express Tribune газеті хабарлады.
Басылым берген мәліметтерге сүйенсек, қайғылы оқиға шағын автобустағы техникалық ақаулардың кесірінен болған. Ол Кветтадан Зхоб бағытына қарай бара жатқан.
20 жолаушысы бар автобус қарсы келе жатқан жүк көлігімен бетпе-бет соғылған. Зардап шеккендер Кветта ауруханасына жеткізілді, екі адамның жағдайы ауыр.
Еркежан Смағұлова
2008 жылы Ш. Құдайбердіұлы атындағы СМУ-дың журналистика факультетін бітірген. Еңбек жолын облыстық «Семей таңы» газетінен бастаған. 2018 жылдан бастап Kazinform халықаралық ақпарат агенттігінде аудармашы.