АСТАНА. ҚазАқпарат - Исламабад сот ғимаратына шабуыл кезінде 11 адам қаза тауып, ондаған адам жарақат алды, деп хабарлады шетелдік БАҚ.
Алдын ала мәліметтерге қарағанда, жанкешті белдігін таққан екі белгісіз адам Пәкістан астанасындағы сот ғимаратына басып кірген.
«Олар автоматтан оқ жаудырып, граната лақтырған. Осыдан кейін жанкештілер өздерін жарып жіберген», - деп хабарлады Ассошиэйтед пресс агенттігі Пәкістан полициясына сілтеме жасап.
Марлан Жиембай
Абай облысының Аягөз ауданында дүниеге келген. Әл-Фараби атындағы Қазақ ұлттық университетінің филология факультетін бітірген. 2005 жылдан бері "ҚазАқпарат" халықаралық ақпарат агенттігінде жұмыс істейді.