Пәкістандағы су тасқыны: қаза тапқандар саны 330-ға жетті

АСТАНА. KAZINFORM – Пәкістанның солтүстігінде нөсер жауыннан болған су тасқынынан қаза тапқандар саны 330-ға жетті.

Geo News-тің хабарлауынша, іздестіру-құтқару топтары бір түнде көшкін мен су тасқыны салдарынан қираған үйлердің қирандыларынан көптеген мәйітті тапты. 

Осылайша, Хайбер-Пахтунхва провинциясында қаза тапқандар саны 307-ге, Гилгит-Балтистан аймағында 12-ге, Азад Кашмир аймағында 11-ге жетіп отыр. 

Хайбер-Пахтунхва провинциясының билігі 32 адамның із-түзсіз жоғалғанын хабарлады. 

Пәкістан билігі елдің солтүстігінде нөсер жауын 21 тамызға дейін жалғасады деп күтілуде. 

Пәкістан премьер-министрі Шахбаз Шариф Хайбер-Пахтунхва провинциясына дәрі-дәрмек, азық-түлік және басқа да маңызды көмектерді дереу жеткізуді бұйырды.

Осыған дейін Пәкістанның солтүстігіндегі су тасқынынан кемінде 194 адам мерт болды.