НҰР-СҰЛТАН. ҚазАқпарат - Қазақстандық параспортшылар халықаралық пара жеңіл атлетика чемпионатынан екі жүлдеге ие болды, деп хабарлайды ҚазАқпарат Ұлттық паралимпиада комитетіне сілтеме жасап.
24-26 сәуір күндері Морокконың Марракеш қаласында халықаралық паралимпиадалық комитет ұранымен пара жеңіл атлетикадан халықаралық чемпионат өтті.
«Халықаралық чемпионаттан біздің атлеттер алтын және күмістен алқа тақты. Руфат Хабибуллин найза лақтырудан алтын медальды қанжығасына байласа, Дастан Мұқашбеков диск лақтырудан күміс жүлдеге ие болды» - деп хабарлайды паралимпиада комитеті.
Дәулет Ізтілеу
Ы.Алтынсарин атындағы Арқалық мемлекеттік педагогикалық институтының түлегі. Бұған дейін "Қазконтент" АҚ e-history порталында тілші, "Елорда инфо" ақпарат порталында тілші болған. 2018 жылдан бері Kazinform халықаралық ақпарат агенттігінің тілшісі.