Бұл туралы Астана әуежайының ресми порталында хабарланды. Сондай-ақ жоспарлы жаттығулар 2015 жылғы 9 мамырға дейін ауық-ауық өткізіліп тұратыны атап өтілген. Жаттығулар туралы ақпарат Астана әуежайының ресми сайтында орналастырылатын болады. Сонымен қатар аталмыш порталдағы электронды таблодағы мәліметтерге сәйкес, үш рейс кейінге шегерілген - Семейден ұшып келетін рейс пен Ақтау және Тараз қалаларына бағыт алатын ұшақтар рейсінің ұшуы кейінге қалдырылып отыр.
15:30, 23 Сәуір 2015
Парадқа дайындық жаттығуларының өткізілуіне орай Астананың әуе кеңістігі бүгін жарты күн жабық болды
АСТАНА. ҚазАқпарат - Бүгін 23 сәуірде Астана уақыты бойынша сағат 09.00-ден 14.00-ге дейінгі аралықта «Астана халықаралық әуежайы» АҚ әуе кеңістігі Ұлы Отан соғысындағы Жеңістің 70 жылдығына арналған парадқа дайындықты ескере отырып, жоспарлы жаттығулар өткізілуіне байланысты жабық болады.