АСТАНА. KAZINFORM – Парижде өтіп жатқан Паралимпиада ойындарында парадзюдошы Зарина Райфова қола жүлдеге қол жеткізді.
Қазақстандық спортшы J2 санаты бойынша 70 келіден жоғары салмақта қола жүлде үшін италиялық Каролина Костамен белдесті.
Жекпе-жек өте тартысты өтіп, қосымша уақытта италиялық парадзюдошы үшінші ескерту алып, Зарина жеңіске жетті.
Осылайша, Қазақстан қоржынына сегізінші медаль түсті.
Бүгін, сондай-ақ, 90 келіден астам салмақта J2 санаты бойынша тағы бір қазақстандық Жүрқамырза Шүкірбеков қола жүлде үшін татамиге шығады. Оның қарсыласы - франциялық Насер Зоргани.
Еске сала кетейік, бұдан бұрын Жүрқамырза Шүкірбековтің жартылай финалға шыққанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).