НҰР-СҰЛТАН. ҚазАқпарат – Токиода өтіп жатқан Паралимпиада ойындарында қазақстандық дзюдошы Зарина Байбатина күміс жүлдеге ие болды, деп хабарлайды ҚазАқпарат тілшісі.
Қазақстандық дзюдошы 70 кг астам салмақта финалда әзербайжандық Дурсадаф Каримовамен алтын жүлдені сарапқа салды.
Бұл бәсекеде әзербайжандық балуан иппон әдісімен жеңіске жетті.
Тағы бір қазақстандық Жанбота Аманжол 90 келіге дейінгі салмақта қола жүлде үшін бәсекеде франциялық Гелиос Лачуманаядан иппонмен ұтылып қалды.
Осылайша парадзюдодан Қазақстан құрамасы үш күміс жүлдені жеңіп алды. Осыған дейін Әнуар Сариев пен Теміржан Дәулет өз салмақтарында екінші орынға көтерілген болатын. Бұл – үлкен жетістік.
Сондай-ақ пауэрлифтингтен Давид Дегтярев паралимпиада чемпионы атанды.
Еске сала кетейік, бұдан бұрын Зарина Байбатинаның финалға шыққанын жазған болатынбыз.
ҚазАқпарат. Батыс Қазақстан.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).