«Парасатты полицей» байқауында Солтүстік Қазақстан командасы үздік атанды
ІІ орын Маңғыстау және Қостанай облыстарынан келген қос командаға бұйырды. Жүлделі ІІІ орынға Қызылорда және Ақмола облыстары мен Көліктегі Ішкі істер департаментінің командалары ие болды. Республикалық іс-шараның жабылу салтанатында сөз алған ҚР Ішкі істер вице-министрі, полиция генерал-майоры Берік Бисенқұлов барлық қатысушыларды құттықтап, дипломдар мен бағалы сыйлықтар табыс етті.
«Парасатты полицей» байқауы мемлекеттік тілдің мәртебесін көтеріп, тілге деген құрметті арттыру мақсатында ұйымдастырылды. 9-шы жыл қатарынан жалауын түрген республикалық сайыс қазанның 3-5 күндері Алматы облысының орталығы Талдықорған қаласында өтті. Үздіктерді анықтау үшін 21 команда өзара бақ сынаған болатын.